ԱԺ պաշտպանության և անվտանգության հարցերի մշտական հանձնաժողովի նիստում «Հայաստան» խմբակցության պատգամավոր Գեղամ Մանուկյանը հայտնեց, որ այսօր վաղ առավոտյան իրավապահները, սովորության համաձայն, հերթական քաղաքական հետապնդման շրջանակներում Արարատի մարզի բազմաթիվ դաշնակցականների, «Դիմադրության» շարժման անդամների տներ են մտել՝ խուզարկության:
«Ոստիկանները հատուկ նշանակության ջոկատներով, կարծես հերթական դիվերսանտներին էին հայտնաբերում, վաղ առավոտյան, ժամը 7-ին մտել են նաև մեր Արարատի մարզի կառույցի ղեկավար, ԱԺ աշխատակից Գերասիմ Վարդանյանի տուն, չնայելով, որ մանկահասակ երեխաներ են եղել տանը, խուզարկություն են իրականացրել: Բազմաթիվ մեր ընկերներ հիմա բերման են ենթարկված ոստիկանական բաժանմունքներ»,-ասաց նա։
Մանկույանը նշեց՝ թեև օրակարգում կարևոր հարց է՝ ստիպված է Արարատի մարզ գնալ։
Մանրամասները՝ տեսանյութում