Նիկոլ Փաշինյանի տիկինը՝ Աննա Հակոբյանը, գործարար կանանց ընթրիքի է հրավիրում։ Բայց ոչ անվճար։ Ընթրիքին մասնակցելու համար գործարար կանայք պետք է վճարեն 1 մլն դրամ։
Հրավերը ձևակերպված է այսպես․ ««ԻՄ ՔԱՅԼԸ» բարեգործական հիմնադրամը նախաձեռնում է «Հաջողակ կին գործարարների աջակցությունը սկսնակ կին գործարարներին» բարեգործական ընթրիք, որից ստացված ամբողջ հասույթն ուղղվելու է ՀՀ մարզերում գործունեություն ծավալող սկսնակ կին գործարարներին»։
Mediahub-ը մեր իրականության հայտնի գործարար կանանցից Նաիրա Նահապետյանից հետաքրքրվեց՝ ինքը մասնակցելո՞ւ է Փաշինյանի տիկնոջ մեկ միլիոն դրամանոց ընթրիքին։
«Ոչ, չեմ մասնակցելու»,- ասաց նա։
Իսկ ինչո՞ւ ոչ, Նահապետյանն ասաց․ «Որովհետև, նախ, հրավեր չեմ ստացել, դրա համար, և երկրորդը՝ խոսքը նոր գործարարների մասին է, ոչ թե հին»։
Նշենք, որ ընթրիքը տեղի կունենա ապրիլի 14-ին:
Վահե Մակարյան