Քիչ առաջ ադրբեջանցի մի պատգամավոր կոչ արեց Ադրբեջանի պատգամավորին՝ միանալ ակտիվիստներին։ Այդ մասին այսօր հրավիրված ասուլիսի ընթացքում ասաց ԱԺ նախկին պատգամավոր Նաիրա Զոհրաբյանը։
Նա նշեց՝ Միլլի Մեջլիսի պատգամավորներն այս պահին պատրաստվում են գնալ Լաչինի միջանցք։
«Նրանք գնում են միանալու «բնապահպաններին», որոնք Ալիևի աշխատակազմից են։ Այս պահին ճանապարհը փակված է, ես չեմ ուզում կասկածի տակ դնել Ռուբեն Վարդանյանի խոսքը, բայց հնարավոր է, որ նա չգիտի, թե ինչ նախապայմաններ են դրվելու ճանապարհը բացելու համար»,- ասաց Զոհրաբյանը։
Ըստ նրա՝ եթե ճանապարհը բացվի, «Նիկոլը փակվելու է Հայաստանում»։
Զոհրաբյանի դիտարկմամբ՝ Արցախի հարցը Ադրբեջանը համարում է լուծված։
«Մեծ և փոքր ուսապարկերն էլ հայտարարում են, որ խնդիրը պիտի լուծվի Ադրբեջան-Արցախ երկխոսության ճանապարհով, իսկ դա պետք է լինի Ադրբեջանի սահմանադրության համաձայն, ըստ որի՝ Արցախն Ադրբեջանի անքակտելի մաս է»,- նկատեց նա։
Մանրամասները՝ տեսանյութում։