Երևան քաղաքի առաջին ատյանի ընդհանուր իրավասության քաղաքացիական դատարան է մուտքագրվել ԱԺ նախագահ Ալեն Սիմոնյանի հայցն ընդդեմ «Հայելի» ակումբի հիմնադիր Անժելա Թովմասյանի։ 

Ալեն Սիմոնյանի պնդմամբ՝ Անժելա Թովմասյանի որոշ արտահայտություններ իր պատվին ու արժանապատվությանը վիրավորանք են հասցրել:

Հայցվոր Ալեն Սիմոնյանը դատարանին խնդրում է Անժելա Թովմասյանին պարտավորեցնել հայցվորից հրապարակայնորեն ներողություն խնդրել, հօգուտ Ալեն Սիմոնյանի բռնագանձել 1 միլիոն ՀՀ դրամ, ինչպես նաև պատասխանող Անժելա Թովմասյանից հօգուտ Ալեն Սիմոնյանի բռնագանձել ընդհանուր 530 հազար դրամ դատական ծախսերի հատուցում։

Նշենք, որ սա Ալեն Սիմոնյանի կողմից Անժելա Թովմասյանի դեմ երկրորդ դատական հայցն է: Նախորդով Սիմոնյանը Թովմասյանից պահանջում է 3.6 մլն դրամ փոխհատուցում: