Նախորդ շաբաթվանից ի վեր Լաչինի միջանցքում ստեղծված ճգնաժամը չի հանգուցալուծվել, միայն վերականգնվել է ԼՂ-ում գազի մատակարարումը։ Այդ մասին այսօր կառավարության նիստի ընթացքում ասաց Նիկոլ Փաշինյանը։
Նրա խոսքով՝ Ադրբեջանի կողմից Լաչինի միջանցքն ապօրինի փակելու հետևանքով ԼՂ-ում հումանիտար դրությունը մնում է ծայրահեղ լարված, հարյուրավոր ընտանիքներ շարունակում են մասնատված մնալ։
«Լաչինի միջանցքն Ադրբեջանի կողմից փակելն ապօրինի է։ Ադրբեջանը կոպտորեն խախտում է իր ստանձնած միջազգային պարտավորությունները»,- ներկայացրեց Նիկոլ Փաշինյանը։
Նա հիշեցրեց, որ նոյեմբերի իննի հայտարարությամբ երաշխավորվել է Լաչինի միջանցքով անխափան երթևեկությունը. «Դե ֆակտո երևում է, որ եռակողմ հայտարարությամբ արձանագրված պարտավորությունը, այն է՝ վերահսկողության տակ պահել Լաչինի միջանցքը, չի կատարում նաև ՌԴ խաղաղապահ զորախումբը»,- ասաց Փաշինյանը։
Նրա դիտարկմամբ՝ ԼՂ շուրջ ստեղծված հումանիտար ճգնաժամը միջազգային հանրության կողմից լուրջ արձագանք է ստացել։
Մանրամասները՝ տեսանյութում։