71-ամյա աֆրոամերիկուհի Լիզի Փյուն այս տարվա սկզբին հազարավոր դոլարներ է շահել Միչիգանի խաղատանը, բայց երբ փորձել է կանխիկացնել իր չեքը Fifth Third Bank-ում, նրա խոսքով, բանկի աշխատակիցները մերժել են նրան, գրել է Insider-ը։

Կինը բանկի դեմ հայց է ներկայացրել՝ նրան մեղադրելով ռասայական խտրականության մեջ։

Չեքը, հայցի համաձայն, խաղատան լոգոտիպով էր, որի վրա նշված էր դրա հասցեն։ Բողոքում հավաստիացվել էր, որ որեւէ ապացույց չի եղել, որը կհաստատեր, որ չեքն իսկական էր։ Բայց այն բանից հետո, երբ կինը չեքը հանձնել էր բանկի աշխատակցին, վերջինը հրաժարվել էր վերադարձնել այն։

Փյուն պատմել է, որ միջադեպի ժամանակ նա զանգահարել է որդուն եւ ընկերոջը, որովհետեւ անհանգստացել էր, եւ անգամ առաջարկել է ոստիկանություն կանչել։ Ի վերջո, աշխատակիցները վերադարձրել են չեքը։ Դրանից հետո նա կարողացել է առանց խնդրի մեկ այլ բանկում ստանալ իր փողերը։

Ընդ որում՝ Fifth Third Bank-ում հերքել են ռասայական խտրականության բոլոր մեղադրանքները՝ հայտարարելով, որ ներկայացված փաստերը տարբերվում են նրանից, ինչ տեղի է ունեցել իրականում։