Ապշեցնում է Ռուսաստանի և Ամերիկայի նախագահների զրույցի շուրջ արտառոց վերաբերմունքը, լրագրողներին ասել է ՌԴ արտաքին գործերի նախարար Սերգեյ Լավրովը, գրել են ԶԼՄ-ները։
Նախարարի խոսքով՝ ներկայիս իրավիճակը ստեղծվել է ԱՄՆ-ի նախորդ վարչակազմի և «նրանց եվրոպական արբանյակների» կողմից, ովքեր «դուրս են նետել երկխոսությունը, դեն նետել դիվանագիտությունը՝ որպես արտաքին աշխարհի հետ շփման մեթոդ և անցել սպառնալիքների, պատժամիջոցների լեզվին և զինել ուկրաինական բանակը»։
«Դրա համար եվրոպացի առաջնորդները ապշած էին երկու դաստիրակաված, բարեկիրթ մարդկանց զրույցից հետո։ Դա զրույց էր մարդկանց միջև, ովքեր գիտակցում են, որ ունեն շատ տարաձայնություններ, բայց հասկանում են, որ քաղաքականությունը նստել և խոսելն է»,- նշել է Լավրովը։