Մահացու վթար Ղազախստանի Ակտոբեի մարզում. Դոնսկոյի լեռնահարստացման կոմբինատի քարհանքում ինքնաթափ է շրջվել, զոհեր կան։

Մեծ արագությամբ շտապող ինքնաթափը կորցրել է կառավարումն ու շրջվել։ Վարորդն ու նրա կողքը նստած անձը տեղում մահացել են, հայտնել են տեղի լրատվամիջոցները։

Հաղորդվում է, որ կարող են խափանված լինել մեքենայի արգելակները։

Քրեական գործ է հարուցվել «անվտանգության կանոնների խախտում հանքարդյունաբերության կամ շինարարական աշխատանքներ իրականացնելիս» հոդվածով: