Լիխտենշտեյնում հինգշաբթի երկու երկրաշարժ է տեղի ունեցել հենց այն պահին, երբ ալպյան երկրի օրենսդիրները քննարկում էին երկրաշարժից ապահովագրման առավելություններն ու թերությունները, տեղեկացրել է AP-ը։
Օրենսդիր Բետինա Պետցոլդ-Մայերը նախազգուշացնում էր այն մասին, որ բարձր է երկրաշարժից Լիխտենշտեյնի բոլոր քաղաքացիների տուժելու հավանականությունը, եւ հենց այդ պահին, ժամը 14.00-ի մոտ, տեղի ունեցավ առաջին ոչ մեծ ցնցումը։
Պետցոլդ-Մայերը սկսել է ծիծաղել, բայց այդ պահին տեղի է ունեցել երկրորդ երկրաշարժը, որը զգալիորեն ցնցել է նիստերի դահլիճը։
«Սա արդեն չափից ավելի է, երբեք չես իմանա, թե արդյոք հետցնցումներ կլինեն»,- ասել է խորհրդարանի խոսնակ Ալբերտ Ֆրիկը՝ 15 րոպե ընդմիջում հայտարարելով։
Երկրաբանական գիտությունների գերմանական հետազոտական կենտրոնի տվյալներով՝ հինգշաբթի ցերեկը Լիխտենշտեյնում, որը գտնվում է Շվեյցարիայի եւ Ավստրիայի արանքում, տեղի է ունեցել 4 մագնիտուդով երկրաշարժ։
Լիխտենշտեյնի ոստիկանությունը տեղեկացրել է, որ տուժածներ եւ ավերածություններ չկան, իսկ երկրաշարժի մագնիտուդը կազմել է 3,9։
Լիխտենշտեյնի բնակչությունը մոտ 39 000 մարդ է, մակերեսը՝ 160 քառակուսի կիլոմետր։