Չինաստանի Սյամեն քաղաքում անծանոթ կինն առանց հարցնելու համբուրել է սրճարանում նախաճաշող տղամարդուն՝ համացանցում վեճերի տեղիք տալով։ Այս մասին հայտնել է The Thaiger-ը։
Կինը վաղ առավոտյան մտել է հաստատություն և մոտեցել այցելուին, որը նստած է եղել դեպի պատը դրված սեղանի մոտ ու նախաճաշում էր։ Անծանոթը ձեռքը դրել է տղամարդու ուսին, իսկ հետո թեքվել ու համբուրել նրան։
Դրանից հետո նա հանգիստ լքել է հաստատությունը։
Այցելուի խոսքով՝ սկզբում կարծել է, թե իր գործընկերներից մեկը դիպել է իր ուսին։ Նա շփոթվել է, երբ շրջվել է և հայտնաբերել, որ իրեն ձեռք է տալիս անծանոթ կին։ Չինացին նրա դեմ բողոք է ներկայացրել ոստիկանություն։
Իրավապահները ենթադրել են, որ կինը կարող է հոգեկան առողջության հետ կապված խնդիրներ ունենալ։