Երևանի 50 մանկապարտեզում հոկտեմբերից կգործի մոտ 2000 տեսախցիկ։ Տեղեկությունը հայտնում է Երևանի քաղաքապետարանի մամուլի ծառայությունը։

Նշվում է, որ տեսահսկման համակարգը նախատեսված է Երևանի մանկապարտեզներում գործունեությունն ավելի վերահսկելի դարձնելու և երեխաների իրավունքները լավագույնս պաշտպանելու համար։

Գործընթացը կմեկնարկի առաջիկա օրերին: 

Հիշեցնենք, որ հուլիսի 26–ին համացանցում հրապարակվեց տեսանյութ, որտեղ պատկերված էր, թե ինչպես է Փոքր Վեդիում մանկապարտեզի աշխատակիցը ֆիզիկական բռնություն գործադրում երեխայի նկատմամբ: