Instagram-ի մոդելը հայտնվել է վերակենդանացման բաժանմունքում՝ Ռուբլյովկայի կլինիկայում քթի վիրահատությունից հետո․ գրում է Mash տելեգրամյան ալիքը։ Մոդելն այժմ կոմայի մեջ է և միացված է արհեստական ​​շնչառության սարքին:

25- ամյա Վլադա Անտրոպովան մեծացել է Բրյանսկում՝ սանտեխնիկի և վարսավիրի ընտանիքում։ Այնուհետև տեղափոխվել է Մոսկվա և զբաղվել ինտագրամյան մոդելինգով։

Մոդելը ցանկանում էր հասնել կատարելության սահմանին ու փոխել քիթը։ Վիրահատությունից հետո գիշերն ինքնազգացողությունը վատացել է, այնուհետև կոմայի մեջ է ընկել։ Վլադային տեղափոխել են Պենզայի հիվանդանոց և միացրել արհեստական շնչառության սարքին։ Նա դեռ անգիտակից վիճակում է։