Իսպանիայում խոշոր ջրհեղեղից հետո մի քանի մարդ անհետ կորել է:
Հորդառատ անձրևների պատճառով երկրի հարավում և արևելքում հեղեղումներ են եղել, արգելափակվել են ճանապարհներն ու արագընթաց գնացքները։ Վալենսիայում և Անդալուսիայի որոշ հատվածներում, որտեղ գետը դուրս է եկել ափերից, հայտարարվել է կարմիր տագնապի ռեժիմ, գրել է «The Guardian»-ը։
Ջրի հոսքերը լցվել են փողոցներ։ Հոսանքը տարել ու շրջել է մեքենաները։ Տեսանյութերից մեկում երևում է, որ մի աղջիկ հայտնվել է թակարդում՝ փորձելով բռնել ձողն ու դուրս գալ ջրից։ Հոսքը քշել-տարել է նրան։