ԱՄՆ պաշտոնյաներն իրենց եվրոպացի գործընկերներին ասել են, որ Եվրամիությունը (ԵՄ) պետք է ներգրավված լինի Ուկրաինայի կարգավորման վերաբերյալ ցանկացած համաձայնագրի մեջ: Այս մասին գրել է Bloomberg-ը՝ հղում անելով աղբյուրներին։
Վաշինգտոնը կարծում է, որ ԵՄ-ի մասնակցությունն Ուկրաինայի հարցով բանակցություններին անհրաժեշտ է, քանի որ Ռուսաստանը ցանկանում է, որ գործարքի շրջանակներում չեղարկվեն միության կողմից սահմանված պատժամիջոցները։
ԱՄՆ պաշտոնյաները վերջերս իրենց եվրոպացի գործընկերներին փոխանցել են, որ առաջնահերթությունը հակամարտության գոտում կրակը դադարեցնելն է և դրանից հետո Ուկրաինայի անվտանգության հնարավոր երաշխիքների վերաբերյալ հարցեր քննարկելը, ասվում է հոդվածում։
Գործակալության աղբյուրը նշել է, որ դա կարող է որոշ չափով հանգստացնել ԱՄՆ դաշնակիցներին, ովքեր վախենում են, որ ամերիկյան իշխանությունները կփորձեն գործարք կնքել առանց եվրոպացի առաջնորդների մասնակցության։