Այսօր՝ մարտի 7-ին, խոշոր ավտովթար է տեղի ունեցել Երևանում:

Ժամը 17:30-ի սահմաններում Արտաշատի խճուղում բախվել են Երևանի բնակիչներ 24-ամյա Կարեն Կակոյանի վարած Ford Mustang մակնիշի, 23-ամյա Ռոբերտ Բերբերյանի վարած Nissan Altima մակնիշի, 44-ամյա Արտյոմ Գյուլազյանի վարած Nissan Tida մակնիշի և Խաչիկ Բերբերյանի վարած Nissan rogue մակնիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով Ford Mustang-ը գլխիվայր շրջվել է՝ մինչ այդ բախվելով երկաթե էլեկտրասյանը, կոտրելով այն:

Ըստ նախնական տեղեկությունների՝ վթարի հետևանքով, բարեբախտաբար, տուժածներ չկան:

Վթարի փաստով ՊԾ Երևանի գնդում նյութեր են նախապատրաստվում:

Վարորդները ենթարկվել են սթափության փորձաքննության, եղել են սթափ:

Օպերատիվորեն ժամանել են նաև ապահովագրական ընկերությունների ներկայացուցիչները: