Իրանի դատարանը 5 տարվա ազատազրկման է դատապարտել նախկին նախագահ Աքբար Հաշեմի Ռաֆսանջանիի դստերը՝ Ֆաեզեհ Հաշեմիին:
Մեղադրանքը պաշտոնապես չի հրապարակվել, պետական լրատվամիջոցների հրապարակումների համաձայն, սակայն, նա ազատազրկվել է իշխանություններին քննադատելու և Իրանում վերջին ամիսներին շարունակվող հակակառավարական ցույցերին աջակցելու համար:
Պաշտոնական Թեհրանը այսօր հաստատել է նաև, որ 28 տարվա ազատազրկման է դատապարտել Բելգիայի մի քաղաքացու՝ Իրանի դեմ լրտեսելու, Միացյալ նահանգների հետ համագործակցելու համար։
Ամբաստանյալը հերքում է մեղադրանքները։