Ադրբեջանական այսպես ասած բնապահպաններից բացի Արցախ-Հայաստան միջանցքը փակել է նաեւ առատ ձյունը: Շուշիի մատույցներում խաչմերուկը փակ է, միջանցքով անցնող ճանապարհը մաքրելը, այն գոնե Կարմիր Խաչի միջազգային կոմիտեի մեքենաների համար անցանելի պահելը՝ անհնար:

Ինչպես հաղորդում է Արցախի Հանրային Հեռուստաընկերությունը, խնդիրն այն է, որ ադրբեջանական, այսպես ասած, էկոակտիվիստների կողմից փակված ճանապարհին մաքրման և ձմեռային սպասարկման աշխատանքներն անհնար է կազմակերպել: Բայց սա այս օրերին ճանապարհների սպասարկումն իրականացնող կազմակերպությունների միակ մտահոգությունը չէ: