Լիբանանի բժիշկները վերջին երկու օրվա ընթացքում խոլերայի 80 նոր դեպք են գրանցել, ընդհանուր դեպքերի թիվը հասել է 169-ի. այդ մասին ասել է Լիբանանի առողջապահության նախարար Ֆիրաս ալ-Աբյադը։

Լիբանանում խոլերայի բռնկման սկսվելուց ի վեր մահվան հինգ դեպք է գրանցվել։ Նրա խոսքով՝ հիվանդության տարածման տեմպերը բարձր են, նոր վարակների մոտ 70%-ը Լիբանանում բնակվող սիրիացի փախստականներ են։ Որպես մահվան հիմնական պատճառ՝ նախարարը նշել է բժիշկներին ուշացած դիմելը: