Հռոմի պապ Լեո XIV-ը պատրաստ է Վատիկանում անցկացնել ուկրաինական և ռուսական կողմերի միջև բանակցությունների հաջորդ փուլը՝ երկրների միջև պատերազմը դադարեցնելու փորձի համար։

Հռոմի պապը Իտալիայի վարչապետ Ջորջիա Մելոնիին մայիսի 20-ին հեռախոսազրույցի ժամանակ հայտնել է Վատիկանում Ուկրաինայի և Ռուսաստանի ներկայացուցիչներին ընդունելու իր համաձայնության մասին։

«Իտալիայի վարչապետը խորին երախտագիտություն է հայտնել Հռոմի պապ Լեո XIV-ին խաղաղության համար նրա անդադար ջանքերի համար»,- ասված է կառավարության պաշտոնական հայտարարության մեջ: