Երեկ՝ հունիսի 26-ին, արտակարգ դեպք է տեղի ունեցել Արմավիրի մարզում: Ժամը 22:20-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառաարման ազգային կենտրոն ահազանգ է ստացվել, որ էջմիածին քաղաքի Մաշտոցի փողոցի թիվ 59 շենքի բակում ծառի մի հատված կոտրվել ու ընկել է մեքենայի վրա ու փակել է երթևեկելի գոտին:

Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են Վաղարշապատի թիվ 29 հրշեջ-փրկարարական ջոկատից 1 մարտական հաշվարկ:

Ըստ նախնական տեղեկությունների՝ բարեբախտաբար տուժածներ չկան:

Վնասվել է 24-ամյա Մովսես Հալուլյանին պատկանող «Toyota» մակնիշի ավտոմեքենայի առջևի հատվածը:

Հրշեջ-փրկարարները արգելափակումից  դուրս են բերել ավտոմեքենան, ապա ժամանած Էջմիածնի քաղաքապետարանի աշխատակիցները մասնատել են այն: