Պետդումայի նախագահ Վյաչեսլավ Վոլոդինը հայտարարել է երկիրը լքած ՌԴ քաղաքացիների համար հարկային դրույքաչափերը բարձրացնելու վերաբերյալ օրինագծի մշակման մասին։
«Ճիշտը Ռուսաստանի Դաշնությունից հեռացածների համար արտոնությունները չեղարկելն ու նրանց համար հարկային դրույքաչափերը բարձրացնելն է։ Այնպես որ, դա արդար կլինի»,- գրել է նա իր տելեգրամյան ալիքում։
Վոլոդինի խոսքով՝ «նա, ով հասկացել է, որ սխալվել է, արդեն վերադարձել է»։ Պետդումայի խոսնակը համոզված է, որ հասարակության ճնշող մեծամասնությունը չի աջակցում Ռուսաստանից հեռացածներին։Ըստ նրա՝ հեռացածները ոչ միայն հեռակա են աշխատում ռուսական ընկերություններում, այլեւ օգտվում են այն բոլոր արտոնություններից, որոնք նրանց հասնում են երկրի օրենսդրությանը համապատասխան։