Երևանը ադրբեջանական կողմին է փոխանցել խաղաղության պայմանագրի տեքստում փոփոխությունների 5-րդ փաթեթը։ Այս մասին խորհրդարանում հարցուպատասխանի ժամանակ հայտարարեց ՀՀ ԱԳ նախարար Արարատ Միրզոյանը։
«Երեկ ստացել ենք ադրբեջանական կղողմի առաջարկները: Գործընթաց կա, քննարկում կա, իհարկե հունիսից հետո առերես բանակցություններ չեն եղել: Կրկին պետք է ասեմ, որ շատ հարցեր կան, որ կողմերի դիրքորոշումները դեռևս հեռու են իրարից»,- ասաց Արարատ Միրզոյանը:
Ինչ վերաբերում է հնգակողմ հանդիպմանը, նախարարի խոսքով՝ հանդիպումների և բանակցությունների առաջարկ, գրեթե, մշտապես կա:
«Այս պահին կարող եմ ասել, որ որևէ կոնկրետ հանդիպման մասին պայմանավորվածություն չկա, կան նախնական քննարկումներ»,-ավելացրեց նախարարը: