Երեկ` փետրվարի 5-ին, ճանապարհի մերկասառույցի պատճառով ավտովթար է տեղի ունեցել  Կոտայքի մարզում։

Ժամը 09։30-ի սահմաններում Երևան-Սևան ավտոճանապարհի` Չայնիի ոլորանների սկզբնամասում բախվել են Porsche Cayenne և Nissan մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի փաստով Կոտայքի պարեկային գումարտակում նյութեր են նախապատրաստվում։

Վարորդները ենթարկվել են սթափության փորձաքննության, նրանք եղել են սթափ։

Ֆոտոլրագրողը հայտնում է, որ վթարն արձանագրելուց հետո պարեկներն Opel մակնիշի ավտոմեքենայի վարորդի կողմից վրաերթի են ենթարկվել ու օպերատիվորեն ժամանած Աբովյանի հիվանդանոցի բժիշկները նախ տեղում առաջին բուժօգնությունն են ցուցաբերել, ապա տեղափոխել «Աբովյան» ԲԿ։