Ռումինիայի Էֆորիե Նորդ քաղաքում անցկացվող շախմատի Եվրոպայի անհատական առաջնության երկրորդ տուրում Հայաստանի ներկայացուցիչներից հաղթանակ տարավ միայն Գաբրիել Սարգսյանը, որը 2 միավորով 48 առաջատարների թվում է։

1,5-ական միավոր ունեն Հայկ Մարտիրոսյանը, Արամ Հակոբյանը, Շանթ Սարգսյանը, Ռոբերտ Հովհաննիսյանը, Սարգիս Վաչ Սարգսյանը։

1-ական միավոր են վաստակել Արսեն Դավթյանը, Արթուր Դավթյանը, կես միավոր՝ Հայկ Երիցյանը։ Վահան Նալբանդյանը երկու պարտություն է կրել։

Առաջնությունում կանցկացվի 11 մրցափուլ։ Առաջին 20 տեղերը գրաված շախմատիստները կնվաճեն աշխարհի գավաթի խաղարկության ուղեգրեր։