27 տարիների ընթացքում կարո՞ղ ենք ասել, որ տեղական ինքնակառավարման մարմինը ձևավորվել է, և հատկապես խոշորացումից հետո համաչափ զարգացման տրամաբանության մեջ կարողանում ենք համաչափ զարգացում ապահովել։ Այս մասին այսօր ԱԺ-ում Կառավարության հետ հարցուպատասխանի ժամանակ ՏԿԵ նախարար Գնել Սանոսյանից հետաքրքրվեց ՔՊ խմբակցության պատգամավոր Դավիթ Դանիելյանը։
Սանոսյանը պատասխանեց, որ համակարգն իսկապես այս տարիների ընթացքում արդարացրել է։
«Խոշորացումը բերել է որակական մի շարք փոփոխություններ, անելիքներ դեռ շատ կան, բայց կարող եմ ասել, որ Կառավարության վարած քաղաքականությունը շատ ընդգծված համագործակցության առաջարկներ է տալիս համայնքներին»,- ասաց նախարարը։
Սանոսյանը նաև նշեց, որ դոտացիաների մասին օրենքն այսօր է ընդունվել։
«Առաջիկայում ևս մեկ օրենքի փոփոխություն կիրականացնենք, երբ համայնքներին թույլ կտանք իրենց ֆոնդային բյուջեն ոչ թե մինչև 20 տոկոս գումար տանել, այլ մինչև 30 տոկոս։ Սա հնարավորություն կտա, որ համայնքները հավելյալ ծրագրեր իրականացնել կկարողանան։ Սահմանամերձ բնակավայրների համար էլ առաջին անգամ առանձին գումար ենք նախատեսել, որ հատկացնենք»,- նշեց նա։
Մանրամասները՝ տեսանյութում