ՌԴ նախագահ Վլադիմիր Պուտինը խոսել է Հանթեր Բայդենի ներման մասին:
Նա օրինակ է բերել նախկին ԽՍՀՄ առաջնորդ Իոսիֆ Ստալինին, ով Երկրորդ Համաշխարհային պատերազմի ժամանակ չէր համաձայնել փոխանակել գերի ընկած որդուն։
Պուտինը չի դատապարտել Բայդենին որդուն ներում շնորհելու համար՝ նշելով, որ ԱՄՆ նախագահի մեջ եղել է «ավելի շատ մարդը, քան քաղաքական գործիչը»։
Հունիսին երդվյալ ատենակալները 54-ամյա Հանթեր Բայդենին մեղավոր էին ճանաչել 2018 թվականին ատրճանակ ձեռք բերելու ժամանակ թմրամոլ լինելու փաստը թաքցնելու համար: Բայդեն կրտսերը դարձել է ԱՄՆ պատմության մեջ գործող նախագահի առաջին որդին, ով դատապարտվել է հանցագործության համար։
Հետո սեպտեմբերին Հանթեր Բայդենն ինքն իրեն մեղավոր էր ճանաչել մեկ այլ գործով՝ հարկերից խուսափելը։
Յակով Ջուղաշվիլին գերմանացիների կողմից բանտարկվել էր ու մահացել Զաքսենհաուզենի համակենտրոնացման ճամբարում 1943 թվականին։ Ստալինը հրաժարվել էր գործարք կնքել՝ որդուն ազատ արձակելու համար: