Ծառերը տնկվել են միրգը վրե՞ն։ Այս հարցը Երևանի քաղաքապետարանում լրագրողները տվեցին «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանին:
«Ամենայն պատասխանատվությամբ ասում եմ՝ տնկվելուց հետո, մայիս ամսին, հունիսի սկզբին, մենք լրատվամիջոցներին հրավիրել ենք ցույց տալու մեր տնկած անտառները, երբ նրանք կանաչել էին։ Դա Ծիծեռնակաբերդի բարձունքում էր և Եռաբլուրում։ Կադրերում առկա են, որ այո՛, նոր տնկված ծիրանենիների բերքը վրան է»,- ասաց նա։
Ինչ վերաբերում է Մաշտոցի պողոտային, այնտեղ չորացած ծառեր չկան, հավաստիացրեց Բեգոյանը։
«Պայմանական եմ ասում, նորմալ է, որ 51 նոր տնկված ծառից 2-ը չկպնի, գարնանը բոլորդ կտեսնեք այդ ծառերի կանաչելը։ Կներեք անհամեստության համար`մեր աշխատանքները կատարված են գերազանց»,- նշեց նա։
Մանրամասները՝ տեսանյութում