Հռոմի «Չամպինո» օդանավակայանը հրկիզելու փորձի համար Վրաստանի քաղաքացի է ձերբակալվել:
Հռոմի մեծությամբ 2-րդ օդանավակայանում թռիչքները մի քանի ժամով դադարեցվել են այն բանից հետո, երբ հսկիչ աշտարակներից մեկի տակ հրդեհ է բռնկվել:
Վրաստանի 38-ամյա քաղաքացին հետևել է կառավարման աշտարակ գնացող օդանավակայանի աշխատակցին և հարձակվել նրա վրա, երբ նա բացել է դուռը։ Այնուհետև նա հրկիզել է սենյակի համակարգչային տեխնիկան և կահույքը, գրել են ԶԼՄ-ները։
Շարժառիթը չի նշվել։