Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Միլիոնավոր անօթեւան մարդիկ. Բանգլադեշում եւ Հնդկաստանում ջրհեղեղներ են

Blog Image

Բանգլադեշում կայծակի հարվածներից եւ սողանքներից հանգստյան օրերի ընթացքում զոհվել է առնվազն 25 մարդ, իսկ հյուսիսարեւելյան շրջաններում միլիոնավոր մարդիկ մնացել են անօթեւան՝ նորագույն պատմության մեջ ամենավատ մուսոնային ջրհեղեղի պատճառով, հայտնում է Reuters լրատվական գործակալությունը եւ հավելում, որ Հնդկաստանում նույնպես ջրհեղեղի պատճառով մարդիկ են զոհվել, որոնց թիվը անցել է 17-ը:

Բանգլադեշի բազմաթիվ գետերի ջուրը բարձրացել է`հասնելով վտանգավոր մակարդակի, իսկ հնդկական լեռներից հորդառատ անձրեւների հոսքը էլ ավելի է սրել իրավիճակը: Այս մասին հայտնել է Ջրհեղեղների կանխատեսման եւ նախազգուշացման նահանգային կենտրոնի ղեկավար Արիֆուզաման Բհույանը:

Հայտնի է, որ հազարավոր ոստիկաններ եւ զինվորականներ գործուղվել են որոնողափրկարարական աշխատանքների: Մինչեւ հիմա տարհանվել է մոտ 105 հազար մարդ, սակայն, ոստիկանության գնահատմամբ, ավելի քան 4 միլիոն մարդ առայժմ արգելափակված վիճակում է գտնվում:

Send