Վեցերորդ օրն է, ինչ արևմտյան Վրաստանում մոլեգնում է վատ եղանակը. հայտնում է Sputnik Georgia-ն:
Իմերեթիի շրջանում մոտ 500 տների տանիքներ են վնասվել, 135 գյուղում հոսանք չկա, վնասվել է նաև Ծխալտուբո ուղղությամբ մայրուղային գազատարը։ Քամին տապալել է ծառեր, որոնք վնասել են տասնյակ մեքենաներ։ Քութաիսիում հազարավոր բաժանորդներ մնացել են առանց ջրամատակարարման:
Գուրիայի շրջանում վնասվել է ավելի քան 100 տան տանիք, տապալվել է մոտ 50 ծառ։ Անսարք են եղել էլեկտրահաղորդման գծերն ու գազատարները։ Վնասվել են նաև եկեղեցիներ և դպրոցական շինություններ։