Բրիտանացի երգչուհի Ադելը կորցրել է գիտակցությունը հենց իր մենահամերգի ժամանակ։ Երգչուհին ունի ծանր հիվանդություն, որով տառապում է երկար տարիներ։
Ինչպես նշում է The Sun-ը, աստղին անգիտակից վիճակում գտել են Լաս Վեգասի համերգասրահի կուլիսներից մեկում։ Ելույթի ժամանակ Ադելը վատացել է, գնացել է կուլիսներ, որտեղ ուշագնաց է եղել։
Երգչուհու թիմն անմիջապես շտապել է նրա մոտ և առաջին բուժօգնություն ցուցաբերել։ Բարեբախտաբար նրանց հաջողվել է ուշքի բերել արտիստուհուն, որից հետո նա շարունակել է ելույթը։
Նշվում է, որ Ադելի վատառողջության պատճառը ռադիկուլիտն է եղել։ Երգչուհին երկար տարիներ տառապում է մեջքի ցավերից, որոնց հետ ոչինչ անել չի կարող։
«Նրանք (արտիստի թիմը) ինձ բարձրացրին հատակից, հիմա ես նստել եմ և ընդմիջում եմ»,- ասել է Ադելը։