ՆԱՏՕ-ի նախկին գլխավոր քարտուղար և Նորվեգիայի նախկին վարչապետ Յենս Ստոլտենբերգը դարձել է երկրի ֆինանսների նոր նախարարը։
Նորվեգիայի նոր կաբինետի կազմը հայտարարել է Նորվեգիայի վարչապետ և Ստոլտենբերգի վաղեմի դաշնակից Յոնաս Գահր Ստյորեն։
Իշխող կոալիցիայի փլուզումից հետո Ստյորեն ստիպված է եղել փոխել իր վարչակազմը։
Անցյալ շաբաթ Կենտրոնական կուսակցությունը՝ ֆինանսների նախարար Տրիգվե Վեդումի գլխավորությամբ, հայտարարել էր, որ դադարեցնում է համագործակցությունը սոցիալ-դեմոկրատների հետ։ Պատճառը կենտրոնամետ եվրոսկեպտիկների անհամաձայնությունն էր եղել իրենց դաշնակիցների էներգետիկ քաղաքականության և մերձեցման ծրագրերին Եվրամիության հետ, որի անդամ չէ Նորվեգիան։