Մեծի Տանն Կիլիկիո կաթողիկոսությունը հայտարարություն է տարածել՝ իր զորակցությունը հայտնելով Արցախին․
Մեծի Տանն Կիլիկիո Հայրապետական Սուրբ Աթոռը, աշխարհատարած թեմերով, ազգային իշխանություններով ու հարակից կառույցներով ու միություններով, իր ամբողջական զորակցությունն է հայտնում Արցախի Հանրապետութեան Ազգային Ժողովի հայտարարությանը` մերժելով Արցախի Հանրապետությունը Ադրբեջանի հողային ամբողջականության մաս նկատելու որևէ մոտեցում ու ճիգ որևէ մեկի կողմից, և այս պարագայում հատկապես Հայաստանի Հանրապետության վարչապետին ու իշխանության կողմից։
Արդարև 1991թ դեկտեմբերի 10-ին համաժողովրդական քվեարկութեամբ Արցախը ինքնիշխանության իր հավաքական կամքը արդեն արտահայտել է և ապա Հայաստանի Հանրապետության Գերագույն Խորհուրդը 1992թ հուլիսի 8-ին վերաշեշտած է Արցախի ինքնիշխանությունը։
Միջազգային օրենքի համաձայն՝ ժողովուրդ ինքնորոշման իրավունք ունի։
Հարկ է արթուն լինել, հեռատես ու մանավանդ՝ միակամ։ Արցախը Ադրբեջանի հողային ամբողջականության մաս կազմելով ոչ միայն կվտանգվի Արցախի ժողովրդի ապահովությունը, այլ նաեւ Հայաստանի գերիշխանությունը ու անվտանգությունը։
Մեր պատմության ներկա ճակատագրական հանգրվանին, կոչ ենք անում մեր ժողովրդի զավակներին համախմբվել եւ զորակցել Արցախին։