SHAMSHYAN.com-ի տեղեկություններով՝ ՀՀ ներքին գործերի նախարարության Ոստիկանության պարեկային ծառայության Երևանի գնդի 3-րդ գումարտակի 2-րդ վաշտում նյութեր են նախապատրաստվում հունվարի 16-ին Երևանում տեղի ունեցած ավտովթարի փաստով։
Ինչպես հայտնում է ֆոտոլրագրող Գագիկ Շամշյանը, այդ օրը, ժամը 23։10-ի սահմաններում Վայոց Ձորի մարզի բնակիչ՝ 22-ամյա Սահակ Ղ-ն իր վարած Toyota մակնիշի ավտոմեքենայով Խանջյան փողոցում դուրս է եկել ճանապարհի երթևեկելի գոտուց, բախվել ծառերին, ապա երկաթե ցանկապատին։
Ըստ նախնական տեղեկությունների, վթարի հետևանքով, բարեբախտաբար, տուժածներ չկան։Դեպքի վայրում վարորդը պարեկներին հայտնել է, որ վթարի պատճառը եղել է մեկ այլ վարորդի կողմից վթարային իրավիճակ ստեղծելը, ով այնուհետև հեռացել է դեպքի վայրից։ Պարեկային ծառայությունը ձեռնարկում է անհրաժեշտ միջոցառումներ՝ տեղեկությունը ճշտելու ուղղությամբ։ Պարեկները տեղում պարզել են նաև, որ Toyota-ն բախվել է մեկ այլ ավտոմեքենայի, որի վրա առկա են վնասածի հետքեր։