Այսօր՝ հուլիսի 17-ին, ավտովթար է տեղի ունեցել Երևանում։ Ժամը 13։00-ի սահմաններում Երևանի բնակիչ, 20-ամյա Միքայել Կ․-ն իր վարած «Suzuki» մակնիշի ավտոմեքենայով Երևանյան լճի մոտ դեռևս անհայտ հանգամանքներում դուրս է եկել երթևեկելի գոտուց և բախվել ծառերին։

Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։

Վարորդը տեղում ենթարկվել է սթափության փորձաքննության, եղել է սթափ։

Վթարի փաստով ՊԾ Երևանի քաղաքի գնդի 2-րդ գումարտակում փաստաթղթեր են ձևակերպվում։