Բելգիայի իշխանությունները աստիճանաբար բացում են օդային տարածքը օդային երթևեկության կառավարման ծառայության լուրջ տեխնիկական խափանումից հետո, հայտնում է Soir թերթը։
«Ժամը 16:15-ին գործարկվել է «Skeyes» տեղեկատվական համակարգը և աստիճանաբար վերսկսվել օդային հաղորդակցությունը», - հաղորդում է հրատարակությունը:
Ավելի վաղ Belga լրատվական գործակալությունը հայտնել էր, որ օդային երթևեկության հսկողության ծառայության տեխնիկական անսարքության պատճառով թագավորության ողջ օդային տարածքը փակվել է, ինչպես պարզաբանել է RTL հեռուստաալիքը, ինքնաթիռները վերահղվել են դեպի հարևան երկրներ։ Միջադեպը տևել է մեկ ժամից մի փոքր ավելի։