Հայաստանում գործող ամերիկյան բիոլաբորատորիաների թեման նոր թափ է հավաքում: Հայաստանը Ուկրաինայի և Վրաստանի հետ միասին ստորագրել է մի փաստաթուղթ այն մասին, որ այդ լաբորատորիաները օգտակար են: Սա այն դեպքում, որ Ռուսաստանը՝ ՀՀ ռազմավարական դաշնակիցը, դեմ է դրանց և բազմիցս է այս հարցը բարձրաձայնել նաև Հայաստանի իշխանությունների հետ շփումներում:
Թե ի՞նչ ազդեցություն կունենա այդ փաստաթուղթը հայ-ռուսական հարաբերությունների վրա՝ MediaHub-ի հարցազրույցում ներկայացրեց վիրուսաբան, անասնաբուժության և կենդանաբանական հիվանդությունների դեմ պայքարի կազմակերպման փորձագետ, կենսաբանական անվտանգության միջազգային փորձագետ, Սննդամթերքի անվտանգության պետական ծառայության նախկին պետ Գրիգոր Գրիգորյանը։
Հայաստանը, ինչպես և Ուկրաինան ու Վրաստանը, ստորագրել է հայտարարության տակ, համաձայն որի ԱՄՆ-ի կողմից ստեղծված բիոլաբորատորիաները օգտակար են։ Եվ սա այն պարագայում, երբ Ռուսաստանը բազմաթիվ անգամ պաշտոնապես հանդես է եկել այդ լաբորատորիաների դեմ: Ինչպե՞ս կմեկնաբանեք սա:
- Նման հայտարարության ստորագրումը ես դիտում եմ ոչ միայն որպես անզգույշ, այլև անպատասխանատու քայլ, քանզի ո՛չ Վրաստանը , և ո՛չ էլ Ուկրաինան չեն հանդիսանում ՀԱՊԿ անդամի տարբերություն Հայաստանի: Հավաքական անվտանգության պայմանագրի կազմակերպությունը ենթադրում է, որ կառույցի անդամ երկիրը չի ծավալելու որևէ գործունեություն, որը հանդիսանում է անդամ մեկ այլ պետության անվտանգությանն ու անվտանգության ոլորտում հետաքրքրությունների դեմ ուղղված: Այս պարագայում,, նախ խոսքը մեր գլխավոր ռազմավարական դաշնակից Ռուսաստանի դաշնության մասին է, երկրորդ՝ սույն թվականի ապրիլի 11-ին ՌԴ նախագահ Վլադիմիր Պուտինը և ՀՀ-ում իշխանությունը զավթած անձը համատեղ հայտարարություն են ստորագրել, համաձայն որի ստորագրող երկրները պարտավորվում են չոգտագործել իրենց տարածքը այլ երկրների որևէ այլ գործունեության համար, որն ուղղված է կողմերի, կամ նրանցից մեկի հետաքրքրությունների դեմ:
ՌԴ-ն բազմիցս շեշտել է, որ ԱՄՆ կենսաբանական նախագծերը վատ են ազդում ԱՊՀ երկրների և հետխորհրդային տարածաշրջանի պետությունների անվտանգության վրա: Ռուսաստանը ներկայացրել է բազմաթիվ փաստաթղփեր, համաձայն որի ԱՄՆ կենսաբանական անվտանգության ոլորտում նախագծերը խախտում են 1972 թվականի կենսաբանական զենքի չտարածման մասին դրույթները: Այս պարագայում սա կարելի է դիրտարկել որպես բացահայտ դեմարշ մեր ռազմավարական գործընկերոջ դեմ, որը հղի է անկանխատեսելի հետևանքներով: Եվ հարկ եմ համարում նշել, որ շատ անզգույշ քայլ էր ՀՀ պաշտպանության նախարարի պարտականությունները կատարող անձի այցը ԱՄՆ, որը դիտարկվում է հենց այս կոնտեքստում:
Այսինքն կարո՞ղ ենք ասել, որ սա հերթական հարվածն էր մեր ռազմավարական գործընկերոջը:
- Ոչ թե հարված էր մեր ռազմավարական գործընկերոջը, այլ սա ավելի շատ հարված էր հայ-ռուսական հարաբերություններին, և ի աջակցություն հակառուսական հիստերիային, որն արդեն ամիսներ շարունակ ՀՀ-ում շատ մանրակրկիտ պատրաստվում է և արդեն իսկ իրականացվում: ՌԴ ներկայացրած փաստերը, դրանք առերևույթ փաստեր են, որոնք պետք է ցանկացած նորմալ երկրի ԱԽ-ին բազմաթիվ մտորումների առիթ տար: Սակայն այստեղ մենք տեսնում ենք միակողմանի և ոչնչով չքողարկված լոյալություն: Այսօր մեր երկրում այդ ոլորտում իրականացվող գործողությունները չեն ենթարկվում որևէ վերահսկողության: Որպես ապացույց կարող եմ նշել այն, որ վերջին շաբաթներին բազմաթիվ կազմակերպություններ են բացվել, որոնք չգիտես թե ինչու զբաղվում են բիոինժեներիայով, որն էլ հիմնական ոլորտն է, որը զբաղվում է կենսաբանական զենքի ստեղծմամբ:
Այսօրվա դրությամբ թվով քանի՞ հաստատված լաբորոտորիաներ են գործում Հայաստանում:
- Հիվանդությունների վերահսկման և կանխարգելման կենտրոնի ամբողջ ցանցը ներառում է գլխավոր օֆիսը և 12 լաբորոտորիա մեր երկրի տարածքում. սա պաշտոնապես: Եվ սրանց գումարած մի շարք մասնավոր լաբորոտորիաներ կան, որոնք էլ ամբողջությամբ գտնվում են ՀՀ առողջապահության նախարարության վերահսկողության ներքո: Խնդիրը նրանում է, որ մեր երկիրը օկուպացված է թշնամու դրածոներով: Այն թշնամու, որն իր հերթին հանդիսանում է ԱՄՆ-ի և ՆԱՏՕ-ի գլխավոր ազդեցության գործիքն այս տարածաշրջանում և որի միջոցով, օգտագործելով մեր երկրի իշխանությունը բռնազավթած հայրենադավներին, փորձում են ուղղակի կամ անուղղակի կերպով տարբեր ոլորտներում հարվածներ հասցնել մեր գլխավոր ռազմավարական դաշնակցին, թուլացնել հայ-ռուսական համագործակցությունը և դրա վերջնական նպատակը մեկն է՝ ՌԴ զինված ուժերի դուրս բերումը՝ սկզբում խաղաղապահներինը Արցախից, այնուհետև ՌԴ 102-րդ ռազմաբազան ՀՀ տարածքից: