«Պատիվ ունեմ» խմբակցության քարտուղար, Արցախի նախագահի նախկին խորհրդական Տիգրան Աբրահամյանն իր ֆեյսբուքյան էջում գրել է․
«Մինչ Ադրբեջանն ու Թուրքիան անթաքույց պատրաստվում եմ Հայաստանի դեմ նոր ագրեսիային` դրա համար անհրաժեշտ արտաքին, քաղաքական, ռազմական, քարոզչական ֆոն ձևավորելով, Հայաստանի իշխանությունը պատրաստվում «ո՞ւմ նշանակել հաջորդ մեղավոր» օպերացիային:
Ի՞նչ է անում ՀՀ իշխանությունը. ոչնչացնում ինքնապաշտպանական վերջին հենասյունները, ներհասարակական հարաբերությունները սրում` երկիրը մոտեցնելով նոր քաոսի:
Իշխանությունն իր առաջ խնդիր չի դրել պաշտպանել սեփական երկիրն ու քաղաքացիներին, նրա առաջնահերթությունը հերթական պարտությունը «սվաղելն» է»: