Թուրքիայի հարավ-արևելքում գտնվող Ադիյաման քաղաքի ոստիկանական բաժանմունքում ոստիկանը կրակ է բացել, կան վիրավորներ, հայտնում է TGRT Haber հեռուստաալիքը։

«Սարսափելի դեպք է տեղի ունեցել Ադիյամանում. ոստիկանը կրակ է բացել ոստիկանական բաժանմունքում, հարձակման հետևանքով վիրավորվել է առնվազն երկու ոստիկան», հաղորդում է հեռուստաալիքը։ Ոստիկանության բաժին են ուղարկվել շտապօգնության բազմաթիվ մեքենաներ։ Վիրավոր ոստիկանները հոսպիտալացվել են։