Քիչ առաջ հայտնել ենք, որ ԱԺ «Քաղաքացիական պայմանագիր» խմբակցության պատգամավոր Արթուր Դավթյանը վայր է դրել պատգամավորական մանդատը։

Նշենք, որ ըստ ՔՊ նախընտրական ցուցակի, Դավթյանին փոխարինելու է Կարեն Սարուխանյանը, որը ԱԻ նախարարի տեղակալն էր, սակայն Նիկոլ Փաշինյանի հրամանով 2021 թվականի դեկտեմբերի 6-ին ազատվել է այդ պաշտոնից։

Հիշեցնենք` նախքան արտահերթ ընտրությունները, Կարեն Սարուխանյանը ԱԺ «Իմ քայլը» խմբակցության պատգամավոր էր։

Սարուխանյանը ծնվել է 1986թ. օգոստոսի 20-ին Գյումրիում:

2008թ. ավարտել է ԵՊՀ կենսաբանության ֆակուլտետը, 2013թ.՝ մագիստրատուրան: Կենսաֆիզիկոս է։

2009-2018թթ. եղել է «Բյուրակնի միջնակարգ դպրոց» ՊՈԱԿ-ի կենսաբանության և ինֆորմատիկայի ուսուցիչ: 2008-2012թթ.՝ Գյումրու պետական բժշկական քոլեջի բժշկական գենետիկայի ու կենսաբանության դասախոս։

2018 թվականի հունիսի մեկից մինչև 2019 թվականի հունվարի 14-ը եղել է Շիրակի մարզպետ: