Յորքի դուքս արքայազն Էնդրյուն եւ դքսուհի Սառա Ֆերգյուսոնը թագավորական այգում մնացած մրգերն ու բանջարեղենը նվիրաբերել են կարիքավոր ընտանիքներին, հայտնում է Mirror-ը։
Տեղական բարեգործական կազմակերպության ներկայացուցիչն ասել է, որ վերջին վեց ամիսների ընթացքում իրենք սնունդ են ստանում Վինձորի թագավորական այգուց, որը Յորքի դուքսը կիսում է իր նախկին կնոջ՝ Սառա Ֆերգյուսոնի հետ: Շաբաթը մեկ անգամ արքայազն Էնդրյուի Քեւին անունով այգեպանը բերում է մրգերի եւ բանջարեղենի սայլեր՝ օգնելու կարիքավոր ընտանիքներին, ասել է նա: Օրերս բարեգործական կազմակերպությունը սոցցանցերի իր էջում հրապարակել է Քեւինի լուսանկարը՝ շնորհակալական ուղերձով։
«Շնորհակալություն Քեւին, շնորհակալություն արքայազն Էնդրյու, շնորհակալություն Սառա Ֆերգյուսոն: Մենք շատ ուրախ ենք ստանալ ձեր աջակցությունը: Եթե մեկ ուրիշը ցանկանում է օգնել մեզ՝ կերակրելու կարիքավոր ընտանիքներին, տեղեկացրեք մեզ»,- ասվում է հաղորդագրության մեջ:
Արքայազն Էնդրյուն եւ Սառա Ֆերգյուսոնը ամուսնալուծվել են 1996 թվականին, սակայն շարունակում են մնալ ընկերներ եւ շարունակում են ապրել Վինձորի ամրոցի տարբեր մասերում:
NEWS.am