Cotswold Auction Company աճուրդի տունն աճուրդի է հանել ոսկյա տարրերով ատամնաշար, որը պատկանել է Մեծ Բրիտանիայի նախկին վարչապետ Ուինսթոն Չերչիլին։ Համապատասխան հայտարարությունը տեղադրված է աճուրդի կայքում։
«Ոսկով ամրացված դիմածնոտային մասնակի ատամնաշար, որը նախագծվել է սըր Ուինսթոն Չերչիլի համար նրա ատամնաբույժ սըր Ուիլֆրեդ Ֆիշի կողմից և արտադրվել է Ֆիշի տեխնիկ Դերեկ Քադլիփի կողմից», - ասվում է լոտի նկարագրության մեջ:
Պրոթեզի նախնական գնահատված արժեքը 5-8 հազար ֆունտ ստերլինգ է:
Աճուրդի է դրվել նաեւ Grampian ռադիոխոսափողը։ Ենթադրվում է, որ Չերչիլն օգտագործել է այս խոսափողը Երկրորդ համաշխարհային պատերազմի ավարտն ազդարարելու համար։ Պատերազմից հետո սարքը հայտնվել է Նյու Մեքսիկոյի (Միացյալ Նահանգներ) էլիտար ռեստորանում։ Այն նախնական գնահատվում է 5-8 հազար ֆունտ ստերլինգ։
