Թուրքիան պատրաստ է բացել սահմանները Հայաստանի հետ: Այս մասին հայտարարել է Թուրքիայի առեւտրի նախարար Մեհմեդ Մուշը՝ ընդգծելով, որ այդ հարցը կախված է Բաքվի և Երեւանի միջեւ հարաբերությունների կարգավորումից։
Նախարարի խոսքով՝ Հայաստանը պետք է կարգավորի հարաբերությունները Ադրբեջանի հետ, որից հետո «դռները կբացվեն»։
«Մենք հուսով ենք, որ Հայաստանը կազատվի սփյուռքի և արտաքին ուժերի ճնշումներից և կաջակցի դռների բացմանը, բարձրացնելով սեփական ժողովրդի բարեկեցության մակարդակը։ Եթե քաղաքական կայունություն ձեռք բերվի, Կարսի սահմանային անցակետերը կբացվեն, ինչը կհանգեցնի երկկողմ առևտրի զգալի աշխուժացման»,- ասել է նա և հավելել, որ «Թուրքիան պատրաստ է հնարավորինս արագ վերականգնել ենթակառուցվածքները և նոր անցակետեր բացել հայ-թուրքական սահմանին»: