Ձմռանը ավելի քիչ հիվանդանալու համար անհրաժեշտ է սննդակարգում ավելի շատ սեզոնային բանջարեղեն, մրգեր և հատապտուղներ ներառել։ Ասել է իմունոլոգ Ջեննա Մաչիոկին iNews-ին։
Նա պարզ միջոց է առաջարկել մրսածությունը կանխելու համար։
Մասնագետը նշել է, որ սեզոնային բանջարեղենն ավելի առողջարար է, քան ավելի վաղ հավաքվածը։
Ըստ նրա՝ այս փաստը բացատրվում է նրանով, որ բույսերը, երբ ցերեկային ժամերը կրճատվում են, փորձում են էներգիա խնայել և սննդանյութեր ուղարկել արմատներին։ Այս գործընթացի պատճառով ուշ բերքահավաքի մթերքները պարունակում է ավելի շատ սննդանյութեր, որոնք օգնում են ամրապնդել իմունային համակարգը:
Մաչիոկին խորհուրդ է տվել ձմռանը ավելի հաճախ դդում ուտել։ Նրա խոսքով՝ այն հարուստ է բետա-կարոտինով, որը խթանում է իմունային համակարգը։ Վիտամին C-ով հարուստ մթերքները, ինչպիսիք են ցիտրուսները և թթու կաղամբը, կօգնեն կանխել մրսածությունը։ «Օգտակար է ձմեռային սննդակարգում ներառել սունկը, քանի որ դրանք հարուստ են բետա-գլյուկաններով, որոնք ապահովում են իմունային ֆունկցիան»,- առաջարկել է իմունոլոգը։
Եզրափակելով՝ բժիշկն առաջարկել է սովորական թեյն ու սուրճը փոխարինել բուսական թեյերով, որոնք պարունակում են օրգանիզմի համար օգտակար բազմաթիվ նյութեր։