Այսօր՝ սեպտեմբերի 17-ին, արտակարգ դեպք է տեղի ունեցել Երևանում: Ժամը 11:50-ի սահմաններում Երևանի բնակիչ 26-ամյա Յու. Մելյանի վարած «Hyundai» մակնիշի ավտոմեքենայում Մյասնիկյան պողոտայում՝ «Ջրաշխարհ»-ի հարևանությամբ, դեռևս անհայտ հանգամանքներում, հրդեհ է բռնկվել: Գրել է «Շամշյանը»։
 
Մինչ հրշեջների ժամանումը՝ ավտոմեքենայում առաջացած կրակի տարածման դեմ պայքարել է Յու. Մելյանը, ապա ժամանած հրշեջները մարել են այն:  
 
Դեպքի փաստով ոստիկանության Նոր Նորքի բաժնում փաստաթղթեր են ձևակերպվում, որտեղ էլ պարզվում է, թե ինչ հանգամանքներում է կրակ բռնկվել:  

Ըստ նախնական տեղեկությունների՝ բարեբախտաբար տուժածներ չկան: