Զինյալները Հալեպում պոկել են Սիրայի նախագահ Բաշար Ասադի հանգուցյալ հոր՝ Հաֆեզ ալ-Ասադի կիսանդրու գլուխը։

Ավելի վաղ նաև հայտնի էր դարձել, որ ՌԴ օդատիեզերական ուժերը Սիրիայի Հալեպ նահանգի արևմտյան Մարա քաղաքում հարվածել են ջիհադիստների շարասյունին։

Ռուս զինվորականները Սիրիայի կառավարական ուժերի հետ շարունակում են «Հայաթ Թահրիր ալ-Շամ»-ի գրոհայինների հարձակումները հետ մղելու գործողությունը։ Օրվա ընթացքում ՌԴ օդատիեզերական ուժերը ոչնչացրել են ավելի քան 200 ջիհադիստների, հայտնել են լրատվամիջոցները։

Ահաբեկիչները գրավել են Հալեպի առնվազն կեսը, հասել քաղաքի կենտրոն։ Սիրիայի կառավարական ուժերը փակել են օդանավակայանն ու ճանապարհները։ Գրոհայինները հարյուրավոր բանտարկյալների են ազատել տեղի բանտերից։

Չորեքշաբթի սկսված հարձակման սկզբից սպանվել է 277 մարդ, այդ թվում ավելի քան 20 քաղաքացիական անձ։