Սիրիական ավիաընկերության Il-76 օդանավը, որը ռադարների վրա հայտնվեց Դամասկոսի տարածքում մոտավորապես ժամը 2:00 UTC ժամանակով (Մոսկվայի ժամանակով 5:00), անհետացավ ռադարներից մոտ 40 րոպե թռիչքից հետո, Հոմս քաղաքի մոտակայքում: Նրա գտնվելու վայրը դեռևս անհայտ է։ Փոխանցում է Ria.ru-ն:

Ավելի վաղ Reuters-ը, վկայակոչելով սիրիական բանակի անանուն բարձրաստիճան սպաներին, պնդում էր, որ Սիրիայի նախագահ Բաշար ալ-Ասադը, իբր, լքել է մայրաքաղաք Դամասկոսը և թռչել «անհայտ ուղղությամբ»՝ երկրում ռազմական գործողությունների ֆոնին:

Ինչպես հայտնում է Flightradar24-ը, սիրիական Իլ-76 ինքնաթիռը՝ YK-ATA գրանցման համարով, ռադարներից անհետացել է Ռամ ալ-Անզ գյուղի վրայով թռչելիս, երբ գտնվել է ծովի մակարդակից 495 մետր բարձրության վրա։ Պորտալի տվյալներով՝ այն շարժվում էր ծայրահեղ ցածր՝ որով նման տիպի ինքնաթիռը չի կարող թռչել։

Ինքնաթիռը ռադարների վրա չի հայտնվել 2.40-ից (Մոսկվայի ժամանակով 5.40-ից): Նրա մեկնման վայրը և նպատակակետն անհայտ են, ինչպես նաև հայտնի չէ, թե ով կարող էր լինել օդանավի վրա:

Ավելի վաղ Սիրիայում պետական ​​հեռուստատեսությունը գրաված զինյալները եթեր էին դուրս եկել՝ պնդելով, որ իրենք վերահսկողություն են հաստատել երկրի վրա։