Լիբերալների թեկնածու Նատաշա Պիրց Մուսարը, ամենայն հավանականությամբ, կհաղթի կիրակի Սլովենիայի նախագահական ընտրությունների երկրորդ փուլում, ինչը նրան պետության առաջին կին ղեկավարը կդարձնի կենտրոնական եվրոպական փոքր երկրում, հայտնում է AP-ն։

54-ամյա իրավապաշտպանն ու իրավաբանը, ըստ հասարակական կարծիքի հարցումների, ընտրությունների երկրորդ փուլում զգալիորեն առաջ է անցել աջ կենտրոնամետ նախկին արտգործնախարար Անզե Լոգարից:

Քանի որ առաջին փուլին մասնակցող յոթ հավակնորդներից ոչ մեկին չի հաջողվել հավաքել ձայների 50 տոկոսից ավելին եւ հայտարարել լիակատար հաղթանակի մասին, Լոգարն ու Պիրց Մուսարն անցել են երկրորդ փուլ։

Մինչ Լոգարը առաջատար է ընտրողների առաջին փուլից հետո, Սլովենիայի վերլուծաբանները կանխատեսում են, որ իրավիճակը կփոխվի երկրորդ փուլում, քանի որ կենտրոնամետ եւ ազատական ընտրողները հավաքվում են Պիրց Մուսարի շուրջը:

Հաղթողը կփոխարինի կենտրոնամետ քաղաքական գործիչ, նախագահ Բորութ Պահորին, որն իրր պաշտոնավարման տասնամյակի ընթացքում փորձել է հաղթահարել ձախերի եւ աջերի միջեւ քաղաքական անջրպետը: Երկու հնգամյա ժամկետ ծառայելուց հետո Պահորը երրորդ անգամ ընտրվելու իրավունք չուներ:

NEWS.am