Սագարեջոյում հրաձգության ժամանակ զոհված ՆԳՆ աշխատակիցը 38-ամյա ավագ լեյտենանտ Օթար Գվինիաշվիլին է:

Գվինիաշվիլին Կախեթի ոստիկանության բաժանմունքի շրջանային բաժնի ավագ հետախույզ էր։ Նա առաջիններից էր, ով ժամանել է դեպքի վայր։

Ըստ լրատվամիջոցների՝ Գվինիաշվիլին մահացու վիրավորվել է, երբ քաղաքացիներից մեկին փրկել է գնդակներից՝ պաշտպանելով նրան մարմնով։ Ներքին գործերի նախարարությունը խորին ցավակցություն է հայտնում մահացածի ընտանիքին և հարազատներին. հայտնում է Sputnik Грузия-ն:

Ավելի վաղ հայտնել էինք, որ Վրաստանի Սագարեջո քաղաքում, 48-ամյա տղամարդը կրակ է բացել բակում գտնվող մարդկանց ուղղությամբ, որի հետևանքով զոհվել է 6 մարդ, ևս 5 մարդ վիրավոր է։