Մեծ Բրիտանիայի թագավոր Կառլոս III-ը որպես միապետ առաջին ընդունելությունն է անցկացրել վարչապետ Լիզ Թրասի հետ Բուքինգհեմյան պալատում, հայտնում է Press Association-ը։

Սեպտեմբերի 9-ի առավոտյան Կառլոս III-ը թագուհի Քամիլա Փարքեր Բոուլսի հետ լքել է Բալմորալ ամրոցը։ Կեսօրին Բրիտանիայի նոր թագավորը ժամանել է Լոնդոն։ Ժամանելուն պես նա ողջունել է ցնծացող ամբոխին, որը հավաքվել էր պալատից դուրս։ Նրանցից ոմանք երգել են «God Save the King»-ը։ Աշխատանքի առաջին օրը նա կդիմի ժողովրդին, որը սգում է իր մոր՝ Եղիսաբեթ II թագուհու մահը: